Путин, Ши, Трамп нарын уулзалт түүхэн эргэлтийн цэг болж үлдэх үү, эсвэл ердөө л гэрэл зураг болж үлдэх үү гэдэг одоохондоо тодорхойгүй

Хуваалцах:
Путин, Ши, Трамп нарын  уулзалт түүхэн эргэлтийн цэг болж үлдэх үү, эсвэл ердөө л гэрэл зураг болж үлдэх үү гэдэг одоохондоо тодорхойгүй

Владимир Путин, Ши Жиньпин, Дональд Трамп Орчин үеийн  мегаполис хотын захад орших  зочид буудлын дугуй ширээний ард цуглаад гурвуулаа ээдрээтэй дэлхийг хамтдаа удирдах "хариуцлага" өөрсдөд нь ногдож байгааг дурдсан.Ши Жиньпин "Их гүрнүүд амар тайван байхад дэлхий энх тайван, их гүрнүүд мөргөлдөхөд дэлхий эмх замбараагүй болдог" гэж хэлэлцээрийн эхэнд ярьсан байна. Путинд энэ удаагийн уулзалт Украин руу довтолсноос хойш бараг таван жил тусгаарлагдсаны дараа өөрөөсөө хавьгүй хүчирхэг орнуудтай дэлхийн хамгийн том тайзан дээр эргэн гарч ирэх боломж болов. Уулзалтын дараа гаргасан хамтарсан мэдэгдэлд төрийн албан тушаалтны халдашгүй байдлыг "чухал ач холбогдолтой" гэж тодорхойлсон нь Олон улсын эрүүгийн шүүхээс дайны гэмт хэргээр эрэн сурвалжлагдаж буй удирдагчийн хувьд чухал асуудал юм.

Ши мөн Хятадыг дипломатын гол тоглогч болгон харуулж чадлаа. Пүрэв гарагийн уулзалт түүхэн эргэлтийн цэг болж үлдэх үү, эсвэл ердөө л нэг гэрэл зураг болж үлдэх үү гэдэг одоохондоо тодорхойгүй. Гурван улсын хоорондох эдийн засаг, дэвшилтэт технологийн томоохон зөрчлийг шийдэхэд 81 минут хангалттай биш. Ши, Путин хоёулаа нээлтийн үгэндээ Дэлхийн 2-р дайны дараах үеийг дурдсан нь тэр үед хүчирхэг орнууд хамтдаа дэлхийг тодорхойлж байсныг сануулж, энэ уулзалтыг хэрхэн харж буйг нь илтгэсэн хэрэг юм. Эхэндээ АНУ-ын албаныхан Украины асуудал хэлэлцэх асуудалд ороогүй гэж хэлж байсан ч Трамп дараа нь энэ талаар хөндсөн ч хамтарсан тунхаглалд дурдсангүй.

Трамп сүүлийн хоёр жил Ши, Путин хоёртой хувийн харилцаагаа гүнзгийрүүлбэл геополитик хялбар болно гэж найдан тэдэнтэй идэвхтэй харилцаж ирсэн. Гурвын хоёр нь өөрсдөөсөө жижиг дайсантай дайн хийж байгаа бөгөөд дайн нь хүлээснээс удаан үргэлжилж байна. Трампын Ирантай хийх дайн, Путины Украин дахь дайн хоёулаа цэргийн нөөцийг шавхаж байгаа бөгөөд хоёр мөргөлдөөнийг дэлхийн тогтвортой байдалд заналхийлэл гэж үздэг Шийг эгдүүцүүлж байна.

Трамп энэ хоёр дайныг Ши, Путин хоёртой хэлэлцэхийг хүссэн бөгөөд тэд хоёулаа Тегерантай харилцаа холбоотой. Харин ч ОХУ Украин руу довтолсны дараа ногдуулсан Оросын дизелийн хоригийг сулруулсан нь Ираны дайны улмаас өссөн зардлыг бууруулах оролдлого байсан ч дам байдлаар Орос баялаг хүртэх боломж олгосон. Трампын Хятадыг магтсан үг, Ши бид хоёр захирч байгаа цагт "хэзээ ч асуудал гарахгүй" гэсэн баталгаа нь АНУ-ын хууль тогтоогчид Хятадын өндөр технологид хатуу хязгаарлалт тогтоохыг улам их шаардаж буй үед Вашингтоны бодлогын өнгө аяс өөрчлөгдөх эсэхийг анхааралтай ажиглаж буй Бээжинд  таатай мэдээ юм.

Ши Трампыг нисэх онгоцны буудалд угтсан нь урьд өмнө байгаагүй үйл явдал байсан бөгөөд Америкийн Ерөнхийлөгчтэй харилцахдаа үзүүлсэн дулаан хандлага нь үүнийг бодож тооцсон байх магадлалтай. Гурван талт уулзалтад тодорхой үр дүн гараагүй нь ч Бээжингийн ашиг сонирхолд нийцсэн, учир нь Ши Украины хувь заяаны талаарх яриа хэлэлцээний үеэр "Ялта 2.0" шиг дүр зураг үүсэхээс болгоомжилж байсан гэж ажиглагчид үздэг. Энэ нь Хятадын дэлхийн тавцанд олон талт харилцааг эрчимжүүлнэ гэсэн мэдэгдэлтэй зөрчилдөх байсан юм. Харин Ши эрсдэлтэй, төвөгтэй амлалт өгөлгүйгээр өөрийгөө олон улсын зохион байгуулагч, АНУ-тай мөр зэрэгцэн зогсох дипломатын нөлөөтэй зуучлагч болгон харуулж чадлаа. Энэ нь ирэх жил болох Коммунист намын чухал чуулганы өмнө Ши өөрийн нэр хүндийг өсгөх, дөрөв дэх бүрэн эрхээ бататгахад таатай цаг үе юм.

https://edition.cnn.com/2026/11/19/politics/trump-putin-xi-meeting-takeaways


Хуваалцах:
0Хаха
0Таалагдсан
0Гунигтай
0Нүдний булай
1Пөөх

Сэтгэгдэл бичих

Зочин
Сэтгэгдэл бичих