Т.Мөнхсайхан: Хэдэн хариуцлагагүй хүний үйлдлээс болж, олон мянган нойр хоолгүй зүтгэж байгаа Эрүүл мэндийн салбарынхныг үгүйсгэж болохгүй

Ерөнхий сайд У.Хүрэлсүхэд УОК-ийн дарга Я.Содбаатар, Эрүүл мэндийн сайд Т.Мөнхсайхан нар огцрох өргөдлөө өгөхөө мэдэгдээд байна. 

Эрүүл мэндийн сайд Т.Мөнхсайхан: "Ард иргэдээ дэлхий нийтийн цар тахалаас сэргийлэхийн тулд бүхий л хүчээ дайчлан хоёргүй сэтгэлээр зүтгэлээ. Үүний үр дүнд коронавирусын халдварыг хохирол багатай даван тууллаа. Эрүүл мэндийн салбарт олон жил бугшсан буруу тогтолцоог өөрчлөхийн тулд бүхий л хүчээ дайчлан ажиллаа. Үүний үр дүнд тодорхой өөрчлөлтүүд гарсан. Үүнийг та бүхэн үр дүнгүүдээс харж болно. Эрүүл мэндийн 57 мянган эмч ажиллагсадтай. Хэдэн хариуцлагагүй хүний үйлдлээс болж, олон мянган нойр хоолгүй зүтгэж байгаа Эрүүл мэндийн салбарынхныг үгүйсгэж болохгүй шүү гэж та бүхэндээ хэлэхийг хүсэж байна.

Эрүүл мэндийн сайдын хувьд чөлөөлөгдөх хүсэлтээ Ерөнхий сайдад өнөөдөр уламжлах болно. Баярлалаа" гэв.