GenZ тэргүүтэй эсэргүүцлийн хөдөлгөөний дараа "E20 Janta Party" нэртэй шинэ кампанит ажил Энэтхэгт өрнөж эхэлжээ
GenZ тэргүүтэй эсэргүүцлийн хөдөлгөөн Энэтхэгийн Боловсролын сайдыг амжилттай огцруулснаас хойш хэд хоногийн дараа Засгийн газрын этанолтой түлшний талаарх маргаантай бодлогод чиглэсэн олон нийтийн мэдээллийн хэрэгслээр шинэ кампанит ажил өрнөв. Жоом Жанта нам буюу "CJP"-г дуурайлган "E20 Janta Party" хэмээн нэрлэгдсэн олон нийтийн сүлжээний шинэ кампанит ажил хэдийнээ “Instagram” дээр 468,000 дагагчтай болжээ.
20 хувийн этанол, 80 хувийн бензиний холимог болох E20 түлшний өргөн хүрээний сурталчилгаа нь АНУ-аас Ираны эсрэг явуулж буй дайны нөхцөлд түүхий газрын тосны импортыг бууруулах Засгийн газрын стратегийн нэг хэсэг юм.
Өнгөрсөн оны сүүлчээр Энэтхэг дэх 90,000 шатахуун түгээх станцад зөвхөн 20 хувийн этанолтой холимог бензинийг худалдаалах болсон нь дэлхийн автомашины гурав дахь том зах зээл болох тус улсын жолооч нарын дунд ихээхэн эсэргүүцэл, шүүмжлэлийг дагуулсан билээ.
Шатахуун дахь этанолын агууламжийг цаашид нэмэгдүүлэхээс болгоомжлохын зэрэгцээ уг холимог нь түлшний хэмнэлт болон тээврийн хэрэгслийн гүйцэтгэлд сөргөөр нөлөөлдөг гэх шүүмжлэл өрнөж буй нөхцөлд засгийн газар 7-р сарын 20-нд уг агууламжийг одоогийн 20 хувиас хэтрүүлэн нэмэгдүүлэх төлөвлөгөөгүй гэдгээ мэдэгдэв.
Сэтгэгдэл бичих
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tug.mn хариуцлага хүлээхгүй болохыг анхаарна уу
