Тусгай прокурорын багийнхан БНСУ-ын Ерөнхийлөгч асанд бүх насаар нь хорих ял оноох нь хөнгөднө гэж үзэж байна

Цэргийн онц байдал тогтоох гэсэн бүтэлгүйтсэн оролдлоготой нь холбоотойгоор бослого үймээн дэгдээсэн хэрэгт буруутгагдаж буй Ерөнхийлөгч асан Юн Сог Ёлын давж заалдах шатны шүүх хурал дээр тусгай прокурорын баг түүнд цаазаар авах ял оноохыг шаарджээ. 2024 оны 12 дугаар сарын 03-нд цэргийн онц байдал зарлаж, бослого үймээн дэгдээсэн хэргээр анхан шатны шүүхээс Юн Сог Ёлд бүх насаар нь хорих ял оноосноос хойш найман сарын дараа, Сөүлийн дараагийн шатны шүүхэд болсон шүүх хурлын үеэр тусгай прокурор Чо Ын Сүгийн баг ийм санал гаргасан байна.

Тус баг анхан шатны шүүх хурлын үеэр ч мөн түүнд цаазаар авах ял оноохыг санал болгож байсан юм. "Үндсэн хуулийг сахин биелүүлнэ хэмээн тангараг өргөсөн Зэвсэгт хүчний ерөнхий командлагч нь харин ч ард түмэн рүүгээ зэвсэг барьсан цэргүүдийг илгээсэн байна. Энэ бол Үндсэн хуулийн дэг журмыг устгаж, Бүгд Найрамдах Солонгос Улсын түүхийг 40 жилээр ухраахыг завдсан, уучлашгүй гэмт хэрэг байлаа" гэж тусгай багийнхан мэдэгджээ. 

Тусгай зөвлөхүүдийн баг доод шатны шүүхийн бүх насаар нь хорих ял хэтэрхий хөнгөн гэж үзэж байгаа аж. Эмнести Интернэшнл байгууллага Солонгосыг 1997 оны 12 дугаар сараас хойш цаазаар авах ялыг хэрэгжээгүй тул цаазаар авах ялаас татгалзсан улс гэсэн ангилалд оруулсан. Эрүүгийн хуулийн дагуу бослогын удирдагчид оноох боломжтой гурван төрлийн шийтгэл нь цаазаар авах ял, бүх насаар нь хорих ял, хөдөлмөрийн насыг нь дуустал хорих ял юм.

Тусгай багийнхан бусад шүүгдэгчдэд оногдуулах ялын саналдаа, бослогод гол үүрэг гүйцэтгэсэн хэрэгт буруутгагдаж буй Батлан ​​хамгаалахын сайд асан Ким Ён Хёнд бүх насаар нь хорих ял, армийн хошууч генерал асан Но Сан Вонд 30 жил, Цагдаагийн ерөнхий газрын дарга асан Чо Жи Ху-д 20 жил, Сөүл хотын цагдаагийн газрын дарга асан Ким Бон Шикт 15 жил хорих ял тус тус оногдуулахыг шаарджээ.

Сөүлийн дээд шатны шүүх ял оногдуулах өдрийг товлохоосоо өмнө дахин хоёр удаа шүүх хурал хийхээр төлөвлөж байна. Юны эцсийн үг хэлэх ажиллагаа ирэх пүрэв гарагт болохоор товлогджээ.

https://www.koreatimes.co.kr/southkorea/law-crime/20261029/special-counsel-again-seeks-death-penalty-for-ex-president-yoon-over-martial-law-declaration