Баян-Өлгий, Ховд аймагт цасан шуурга шуурч, зам, даваанд халтиргаа, гулгаа үүсэхийг анхаарууллаа

Өнөөдөр буюу арваннэгдүгээр сарын 12-ны өдөр Баян-Өлгийн нутаг, Ховдын хойд хэсгээр их цас аюултай үзэгдлийн хэмжээнд хүрэхийг цаг уурын байгууллагаас анхаарууллаа.  Иймд тус чиглэлд зорчихдоо цаг агаар, замын нөхцөл байдлыг урьдчилан шалгах, автомашины бүрэн бүтэн байдал, шатахууны нөөц, дулаан хувцас, онцын шаардлагагүй бол зорчихгүй байх, малчид малаа ойрын бэлчээрт байлгаж, малын хашаа, хороо, нөмөр нөөлөгтэй газрыг бэлтгэхийг анхааруулав.