Хувь хүний орлогын албан татварын чөлөөлөлтөд дараах гурван төрлийн ажилтнууд хамаарахгүй

Сангийн сайд Ч.Хүрэлбаатар Засгийн газраас цар тахалын үед зургаан сарын хугацаанд НДШ-ийг ААН, компаниудыг чөлөөлөх арга хэмжээний талаар мэдээлэл хүргэлээ.

НДШ-ээс чөлөөлөгдөх арга хэмжээнд дараах гурван ажилчид хамаарахгүй аж. Үүнд:

• Төсвөөс цалин авдаг албан хаагчид хамаарахгүй. Орлогын хэмжээнд нь өөрчлөлт орохгүй учраас
• Төрийн өмчит аж ахуйн нэгж, орон нутгийн өмчит аж ахуйн нэгж болон төрийн өмчийн оролцоотой ААН-д хамаарахгүй 
• Гурав дахь нь тендерээр ажил гүйцэтгэж байгаа ажилтнуудад хамаарахгүй гэв. 

Учир нь тендерийн шалгаруулалтад ирүүлсэн үнийн саналдаа ажилчдын цалин хөлс, татварыг бүгдийг нь тусгасан байдаг тул хөнгөлөлт эдлэхгүй гэдгийг онцлов. 

Харин ААН-үүдэд Ажилгүйдлийн сангаас гурван сарын турш сар бүр 200,000 төгрөг олгох болсон талаар тэрбээр "Төрийн байгууллагын шийдвэрээр үйл ажиллаагааг нь зогсоосон ч ажлын байраа хадгалж байгаа байгууллагуудад энэ шийдвэр хамаарна" гэв.

Мөн түрээсийн талбөрийн хэмжээг бууруулсан аж ахуйн нэгжийн түрээсийн орлогод ногдуулах татварыг чөлөөлнө. Үүнд: төвлөрсөн зах, худалдааны төвүүд, үйлдвэр үйлчилгээний газрууд, хувийн сургууль, цэцэрлэг, хүүхэд харах үйлчилгээний зориулалтын байр, талбай үүнд хамаарах аж.

Эх сурвалж: Сангийн яам